A nefasta oposición en mans de Lois García
O PSOE de Ponteceso pasou toda a lexislatura anterior durmindo nos plenos e a remolque do que opinaba o BNG e parece que ese sentimento de culpabilidade fai que tornen as cousas.
Todo o que o PSOE non fixo en catro anos , agora queren facelo no pouco que levamos de lexislatura, sen importarlles para nada o que é a lexislación vixente e o regulamento interno do Concello.
O hábito non fai ao monxe, e por moita parafernaria e desplegue de medios informáticos que faga o señor, Loís García , nos plenos, amosa un descoñecemento da lexislación local absolutamente abrumadora . Por responsabilidade o PSOE de Ponteceso debe de deixar de experimentar e plantear unha oposición seria e rigorosa asentada na realidade dos veciños de Ponteceso e deixar de entorpecer o normal funcionamento da institución.
Tamén é curioso ver como o BNG (e API) agora se volven reféns do PSOE, e son eles os que deixan nas mans do voceiro do PSOE de Ponteceso o peso desta nefasta oposición. API e BNG deberían reflexionar en mans de quen están deixando todo o peso político da oposición, nós cremos que nunha persoa que, lexos de coñecer a realidade do Concello e das nosas parroquias, adícase a ter un comportamento pouco aproiado para un represente público como é el ,con continuas, incorreccións, mentiras e despropósitos en cada pleno.
Queremos desmentir taxantemente que non se esté concedendo toda a documentación que contempla a lei para o desenvolvemento da labor de fiscalización sobre o goberno que tén a oposición, tal e como se pode comprobar no escrito de contestación remitido polo Alcalde ao voceiro do PSOE de Ponteceso, colgado no blogue do PP de Ponteceso, para quen queira consultalo.
